"Der oppe" Gnr. 10, bnr. 1, Ytre Tjørhom Tjørhom vart delt i 2 bruk ein gong mellom 1623 og 1637. Begge bruka låg den gong nede på slettene. Omkring 1685 flytta det fyrste bruket opp i bakkane, og det vart til ytre Tjørhom. Omlag 2 år seinare flytta så det andre bruket, og det vart til indre Tjørhom. Bruket på ytre Tjørhom heldt seg udelt heilt fram 1836. Då vart det delt i 2 like store bruk som begge var på 9 mark. Det gamle hovedbølet fekk då lnr. 6a og vart seinare heitande "Der oppe", mens det nye bruket fekk lnr. 6b og vart heitande "Der nere". Ved matrikkelrevisjonen i 1889 fekk dette bruket bruksnummer 1 med ei skyld av 173 øre. I 1911 blei den tidlegare plassen "Knodlen" utskilt som eigen gard. Den fekk bnr. 10 med ei skyld av 20 øre. I 1921 vart garden på ny delt i 2 like store bruk. Det nye bruket fekk namnet "Austvold" og bnr. 12 med ei skyld av 76 øre, mens den gjenverande delen av "Der oppe" blei på 77 øre. I 1939 blei ein parsell fråskilt til sonen Gabriel (GP). Den fekk namnet "Fredheim" og bnr. 14. Bruket har i skjøteprotokollen figurert under namnet "Øvergård". Den første oppsitjaren på dette bruket var Knut Salvesen Tjørhom, 30 år i 1664 (skal mogeleg vera 50 år). Brukar i 1999 er Paul Terje Olavson Tjørhom. Bind I, side 292.