"Der ude" Gnr. 14 bnr. 3, Eigeland Dette bruket oppstod i 1826. Den tidlegare eigar av lnr. 13, Halvard Madson Eigeland II, hadde bestemt seg for deling, men døyde våren 1826 uten at dette var blitt gjort. På skifte etter han bestemte søskena at dei 2 brødrene Mads Halvardson d.e. og Mads Halvardson d.y. skulle ha halvparten av garden kvar. Delingsforretning vart halde den 8. september 1826. Denne fortel blant anna litt om husa på dette bruket. Det vart avgjort at "den østre Stue og den østre Boe, begge Smaafjøsene og Kornløen" skulle tilhøyre den delen som Mads den eldre fekk, mens Mads den yngre skulle ha "den W(estre) Stue, den W. grinde Boe, det store Fjøs samt Høiløen med Loven". Det blei sonen Mads den eldre som flytta ut, mens Mads den yngre beholdt det gamle hovedbølet. Avtalen var at Mads skulle flytta sine gamle hus over på sitt området innan 2 år. Begge bruka vart etter delinga på 9 mark kvar. I 1889 vart skylda på bnr. 3 forandra til 1 mark og 31 øre. Bind I, side 401.