"Der nere" Gnr. 11 bnr. 6 - Bakken, Handeland Litt innanfor dei andre bruka på Handeland ligg "Bakken" . Der ligg 2 bruk, som heiter "Der oppe" og "Der nere". Det eldste av desse bruka er "Der nere". Det hadde tidlegare lnr. 10 og ei skyld på 12 mark. I 1831 blei bruka delt, dermed oppstod "Der oppe": Begge bruka vart på 6 mark kvar. Det må ha eksistert busetting på "Bakken" minst 10 år før 1752, med andre ord så tidleg som omkring 1740. Dette bruket eksisterte likevel heilt tilbake til 1661. Om det alt den gong låg på "Bakken" er kanskje meir tvilsamt idet det var mest vanleg at alle bruka låg i ei klynge i eldre tid. I 1889 fekk bruket ei skyld av 78 øre og bnr. 6. Den fyrste kjente oppsitjaren her var Sigbjørn Sigmundson Handeland, nemnt i 1645 - 1673. Hans kone og barn er ukjente. Brukar i 1999 er Åge Aslakson Handeland Bind I, s. 347