"Moen" Bruk av garden Hetleskog. Gard nr. 14 i Forsand kommune Tidlegare plass under Hetleskog i Isse skipreide. Høgsfjord prestegjeld. Tidlegare i Høle (anneks-) sokn til Strand prestegjeld. Plassa Indre og Ytre Moen, utt.: mo 'nen, ligg i bakkehallet under Hetleskog-garden ned mot dalbotnen der Songa-elva renn. Den første som sette seg til der, var Jens Ivarson. Han hadde først vore gardbrukar på Hetleskog. Men så bytte han bruk med Knut Gunnarson som hadde part i Lyse-garden. Om lag 1775 flytta han attende til Hetleskog, og då denne garden ikkje var ledig nett då, gav han seg til å rydja opp eit nytt plass nedanfor garden - på "Indre Moen". Jens Ivarson fekk bygslebrev på det nye plasset i 1795, samstundes som Ola Rasmusson fekk bygslebrev på endå eit nytt plass - "Ytre Moen". Bruka på Moen vart sjølveigande bruk i 1862 og 1887. F. bind I, s. 439